ترانيم بحرف ق

قلبي أسير نعمتك

1- (قلبي أسير نعمتك وعملها ف قلب حياتي
دا انا مديون لرحمتك من بداياتي لنهاياتي)2
( جبتني من المذابل وصنعت لي إسم جديد
وكنت راجع وقابل تقبلني ضمن العبيد )2
(قلبي أسير قلبي أسير قلبي أسير نعمتك)2

2-(قلبي رهين لكلمتك وجهني منين ما تريد
دا انا مشتاق في سكتك صوتك في حياتي يزيد)2
(واتحرك وانا شايفك ببساطة عين عارفاك
وأعيشلك وانا خايفك بقداسة ناس عايزاك)2
(قلبي رهين قلبي رهين قلبي رهين كلمتك)2

3- (قلبي شهيد خدمتك وأضيع فيها الغالي
أعلن إسمك وفديتك وصليبك وانكر حالي)2
( يد على المحراث وبالتانية بامسح دموعي
ناسي كل اللي فات وصوابعي لاجلك شموعي)2
(قلبي شهيد قلبي شهيد قلبي شهيد خدمتك)2

4-(قلبي مناه مجيتك ويكون في سراجي الزيت
مع حكيمات بيعتك كعذارى لازمنا البيت)2
(سهري لاسمك باغني ونشيد يجر نشيد
وفوق هايبقى التغني بفرح أبدي ومجيد)2
(قلبي مناه قلبي مناه قلبي مناه مجيتك)2